Prospektdə təhlükə saçan sürücü: Maşını dəfələrlə sıxışdırdı, qoşa xətti tapdaladı - VİDEO

Paytaxtın 8 Noyabr prospektində kobud qayda pozan sürücü anbaan avtomobilin kamerasına düşüb.

Avtosfer.az-ın məlumatına görə, hadisə avqustun 9-da saat 11:51 radələrində qeydə alınıb. Hərəkətdə olan 10-JJ-474 dövlət nömrə nişanlı “Ford Transit” markalı avtomobilin sürücüsü manevr qaydasını pozub. Kadrdan da göründüyü kimi, o, hərəkətdə olduğu zolaqdan sağa keçib və bu vaxt görüntünü qeydə alan sürücüyə təhlükə yaradıb. Sürücü bir müddət sonra eyni qaydanı yenidən pozaraq avtomobili sıxışdırıb. O, törətdiyi qayda pozuntularıyla kifayətlənməyərək qoşa xəttin üzəri ilə də hərəkət edib.

Nərmin