Prospektdə təhlükəli manevr edən sürücü motosikletçiyə qəza şəraiti yaratdı - VİDEO

Paytaxtın Azadlıq prospektində qayda pozan sürücü kameraya düşüb.

Avtosfer.az-ın məlumatına görə, hadisə oktyabrın 29-da saat 08:33 radələrində qeydə alınıb. Videodan göründüyü kimi, 77-TV-709 dövlət nömrə nişanlı “Mercedes” markalı avtomobilin sürücüsü manevr qaydasını pozub. Belə ki, hərəkət istiqamətini dəyişmək istəyən sürücü təhlükəsizlik adacığının üzərinə çıxaraq sağa keçib. Bu zaman o, hərəkətdə olan motosikletə qəza şəraiti yaradıb. Xoşbəxtlikdən qəza baş verməyib.

Qeyd edək ki, təhlükəsizlik adacıqları hərəkət zolaqlarını ayırmaq və qəza riskini azaltmaq məqsədi daşıyır. Belə sahələrə daxil olmaq həm inzibati qayda pozuntusu sayılır, həm də digər iştirakçıların həyatını təhlükəyə atır.

Nərmin