Prospektdə yarışa çıxan "BakuBus" sürücüləri təhlükə yaratdı - DYP cərimələdi - VİDEO

Bakıda yol hərəkəti qaydalarını kobud şəkildə pozan avtobus sürücülərinin videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki hadisə oktyabrın 20-də, paytaxtın Xocalı prospektində baş verib.

Belə ki, eyniləşdirmə kodu 67166 və 67217 olan "BakuBus" sürücüləri sağdan gələn avtomobilə yol vermədən yolayrıcına daxil olublar. Daha sonra isə biri avtobus zolağında, digəri isə sol zolaqda yarışaraq görüntünü qeydə alan sürücüyə təhlükə yaradıblar.

Videogörüntünü qeydə alan oxucu həmin avtobus sürücülərinin sərt şəkildə cəzalandırılmasını xahiş edib. 

Bakı şəhər Dövlət Yol Polisi İdarəsinin İctimaiyyətlə Əlaqələr Şöbəsinin rəisi polis kapitanı Toğrul Nəsirli bildirib ki, sürücülər aşkar edilib və müvafiq olaraq inzibati qaydada tədbir görülüb. 

Sözügedən videonu təqdim edirik:

Fərid