Prospektdə yol nişanlarını görməzdən gələn sürücülər - 99-AA-269 və 99-MG-097 - VİDEO

Paytaxtın Yasamal rayonu İnşaatçılar prospektində dayanma-durma qaydalarını pozan sürücülər görüntülənib.

Bununla bağlı izləyicimiz Avtosfer.az-ın “Whatsapp” adresinə foto və videomaterail göndərib. İnşaatçılar prospektində qeydə alınmış videoda 99-AA-269 dövlət nömrə nişanlı “Volvo” markalı avtomobilin sürücüsü nəqliyyat vasitəsini dayanma və durmanı qadağan edən nişanının (3.27 nişanı) yaxınlığında saxlayıb. Bu zaman o, digər maşınların hərəkətinə çətinlik yaradıb. Digər görüntüdə isə 99-MG-097 dövlət nömrə nişanlı “Toyota” markalı avtomobilin sürücüsü isə piyada keçidini önündə maşınını park edib. 

Qeyd edək ki, dayanma-durma qadağandır nişanının olduğu ərazidə maşını park etmək İnzibati Xətalar Məcəlləsinin müvafiq maddəsinə əsasən, 20 manat məbləğində cəriməylə nəticələnir. Piyada keçidləri və onlara 5 metr yaxın məsafədə dayanmağa görə isə sürücülərə 2 bal və 60 manat cərimə tətbiq olunur. 

Nərmin