Prospektdəki məşhur fast-food restoranı səkini zəbt edərək teras yaradıb – VƏTƏNDAŞ ŞİKAYƏTİ - VİDEO

Paytaxtın ən geniş küçələrindən birində sahibkar özbaşınalığı uzun müddətdir piyadaların hərəkətinə maneə yaradır.

Avtosfer.az xəbər verir ki, Yasamal rayonu Hüseyn Cavid prospektində bir müddət əvvəl açılan restoran artıq səkini də obyektin tərkib hissəsinə çevirib.

Belə ki, ölkənin məşhur fast-food restoranlarından biri “Friends” prospektdə açılan yeni filialda binanın altındakı geniş obyektlə kifayətlənməyib, üstəlik səkiyə bir neçə dipçək qoyaraq səkini də özəlləşdirib.

“Avtosfer.az-ın sosial şəbəkə hesabına video göndərən vətəndaş bildirib ki, bu hal obyekt yenicə açılarkən mövcud deyildi. Sahibkar sonradan hansısa üsulla ya teras üçün icazə alıb, ya da hansısa icazəsi belə yoxdur, amma özəlləşdirmə halından da çəkinmir.

Şəhər sakinləri səkiləri belə özəlləşdirərək piyadaların hərəkətinə çətinlik yaradan sahibkarlara qarşı aidiyyəti qurumlardan təcili tədbir görmələrini tələb edir.

Səfər