Qabağa düşmək istəyən sürücü "protiv" sürüb yolu kəsdi - VİDEO

Bakıda qaydaları pozan sürücü yolu kəsərək hərəkəti məhdudlaşdırıb. Avtosfer.az xəbər verir ki, hadisə Zabrat qəsəbəsində baş verib. Belə ki, 10-OJ-201 qeydiyyat nişanlı “Toyota Land Cruiser” markalı avtomobilin sürücüsü svetoforda dayanmış avtomobillərin qarşısına keçərək vaxt qazanmağa çalışıb. Bu zaman əks yola keçərək qarşıdan gələn sürücülərin yolunu kəsib.

Yollarda ancaq özünü düşünən, hamıdan üstün olduğunu sayan sürücülərə tez-tez rast gəlirik. Həmin sürülərin səhvini bildirən zaman “tələsirəm”, “yol versən nə olardı” – deyərək özlərinə haqq qazandırırlar. Pozduqları qaydaya görə isə heç 1 dəqiqə də vaxt qazanmırlar. Geriyə qalan isə həm yolu kəsmək, həm də  təhlükə törətmək olur.

Leyla