Qanundan xəbəri olmayan sürücü inadkarlıq edib qayda pozdu - VİDEO

Bakı-Sumqayıt yolunda qaydaları pozan sürücü hərəkətə mane olub. Avtosfer.az xəbər verir ki, 01-CR-219 qeydiyyat nişanlı "Toyota" markalı avtomobilin sürücüsü sağ zolaq boş olan halda sol zolaqla hərəkət edib. O, görüntünü qeydə alan sürücünün qarşısına keçərək yolunu kəsib. Sürücü dəfələrlə işıq siqnalı ilə yol istəsə də, o, inadkarlıq edərək asta sürətlə yoluna davam edib.

Qeyd edək ki, Bakı-Sumqayıt yolu yaşayış məntəqəsindən kənar yer olduğu üçün, sürücülər sağ zolaq boş olan halda digər zolaqlarla hərəkət etməməlidir.

"Yol hərəkəti haqqında" qanunun 49-cu maddəsində qeyd olunub ki, yaşayış məntəqələrindən kənarda yolun hərəkət hissəsində hərəkət istiqamətində sağ zolaq boş olduğu halda sol zolaqlarla hərəkət etmək qadağandır.

Qeydə alınmış videoda sağ zolağın tamamilə boş olduğu və sürücünün asta sürətlə hərəkət etdiyi aydın şəkildə əks olunub.

Könül Rauf