Qanunu saymayan sürücü sağındakı maşını sıxışdırıb təhlükə yaratdı - VİDEO

Bakıda manevr qaydasını kobud şəkildə pozan sürücü təhlükə yaradıb. Avtosfer.az xəbər verir ki, hadisə aprelin 23-də, avtovağzalın qarşısında baş verib. Belə ki, 99-TZ-485 qeydiyyat nişanlı "Mercedes" markalı avtomobilin sürücüsü sol zolaqla hərəkət edən zaman görüntünü qeydə alan sürücünü sıxışdıraraq zolağından çıxarıb. Videogörüntüdən də ydın şəkildə görünür ki, sol zolaq həmin nöqtədə bitir. Zolaq bitdiyi üçün həmin avtomobil avtomatik sağ zolağa yerdəyişmə etməlidir. Lakin manevri bu formada deyil, qanunvericilikdə qeyd olunmuş şəkildə həyata keçirməlidir.
"Yol hərəkəti haqqında" qanunun 42-ci maddəsinin V hissəsində qeyd olunub ki, zolağını dəyişən sürücü eyni səmtə gedən nəqliyyat vasitəsinə yol verməlidir.

Könül