Qaranlıqda təhlükə saçan sürücü: İşıqforu görməzdən gəlib yolayrıcına girdi - VİDEO

Paytaxtın Binəqədi rayonu, Cəfər Xəndan küçəsində yol hərəkəti qaydasını pozan sürücü kameraya düşüb.

Avtosfer.az-ın məlumatına görə, hadisə yanvarın 13-də saat 21:06 radələrində baş verib. Belə ki, 99-VO-089 dövlət nömrə nişanlı “Toyota” markalı avtomobilin sürücüsü yolayrıcına daxil olarkən işıqforun qırmızı işığını nəzərə almayıb və hərəkətinə davam edib. Bu zaman  digər nəqliyyat vasitələri üçün qəza riski yaranıb.

Qanunvericiliyə görə, sürücülər yolayrıcına daxil olarkən yalnız işıqfor yaşıl işıq göstərdikdə hərəkət edə bilər. Qırmızı işıq və ya “Stop” nişanı olduqda sürücü mütləq dayanmalı, yolayrıcının təhlükəsizliyini təmin etməli və digər nəqliyyat vasitələrinin hərəkətinə mane olmamalıdır. Bu qaydanı pozmaq həm inzibati məsuliyyət, həm də qəza riskini artırır.

Nərmin