Qarlı yolda idarəetməni itirən sürücü çıxılmaz vəziyyətə düşdü - VİDEO

Paytaxtda müşahidə edilən qarlı və buzlu hava şəraiti yollarda qəzaların baş verməsinə səbəb olub. Eyni zamanda avtomobili qışa hazır olmayan, o cümlədən qarlı havada sürmə təcrübəsi olmayan sürücülər yolda çətin duruma düşüblər. Həmin sürücülərdən birinin videosu sosial şəbəkədə yayılıb. Avtosfer.az xəbər verir ki, 77-XS-961 qeydiyyat nişanlı avtomobilin sürücüsü idarəetməni itirərək yeraltı piyada keçidinin qarşısında dayanıb. O, keçidə düşməmək üçün avtomobili geriyə verərək vəziyyətdən çıxmağa çalışsa da alınmayıb.

Bakıda qar az yağdığına görə, nə avtomobillər, nə də ki, sürücülər buna hazır olmurlar. Ona görə də sürücülərə tövsiyə edirik ki, qar yağan zaman şəxsi nəqliyyat vasitələrindən maksimum dərəcədə az istifadə etsinlər.