Qarşıdan gələn maşının yolunu kəsib qəza şəraiti yaratdı - 77-RY-378 - VİDEO

Abşeron rayonu, Xırdalan şəhərində kobud qayda pozan sürücü kameraya düşüb.

Avtosfer.az-ın məlumatına görə, hadisə oktyabrın 7-də saat 15:44 radələrində Qalubiyyə küçəsində qeydə alınıb.

Kadrlardan görünür ki, 77-RY-378 dövlət nömrə nişanlı “Toyota Aqua” markalı avtomobilin sürücüsü bütöv xəttin tələbini pozaraq əks istiqamətli hərəkət zolağına çıxıb. O, bu manevrlə qarşıdan gələn nəqliyyat vasitəsinin yolunu kəsərək qəza şəraiti yaradıb.

Xatırladaq ki, bütöv xəttin tələbinə əməl etməyərək əks istiqamətli zolağa çıxmaq qarşıdan gələn nəqliyyat vasitələri ilə toqquşma riskini artırır. Sürücülər ötmə və digər manevrlər zamanı yol nişanlanmasının tələblərinə ciddi riayət etməlidirlər.

Nərmin