Qaxda 23 yaşlı qızı avtomobil vurub - FOTO
Qaydalar
7 Sentyabr 2017 00:23
Oxunub 3117
Pərvanə Nəzərova cərrahiyyə şöbəsinə yerləşdirilib, vəziyyəti kafidir
Qax rayonunda 23 yaşlı qızı avtomobil vurub. Hadisə bu gün axşam saatlarında Qax şəhərində, Molla Vəli Vidadi küçəsində qeydə alınıb. Qax şəhər sakini, 1979-cu il təvəllüdlü Abid Hikmət oğlu Abidov idarə etdiyi 10-GF-070 dövlət qeydiyyat nişanlı "Mercedes" markalı avtomobillə hərəkətdə olarkən yolu keçmək istəyən piyada, 1994-cü il təvəllüdlü Pərvanə Abdurəhim qızı Nəzərovanı vurub. Qəza nəticəsində idarəetməni itirən sürücü yoldan çıxaraq avtomobili aşırıb.
Nəticədə piyada və sürücü aldıqları müxtəlif növ bədən xəsarətləri ilə Qax Rayon Mərkəzi Xəstəxanasına çatdırılıblar. Onlara ilkin tibbi yardım göstərilib, sürücünün xəsarətləri yüngül oduğundan ambulator müalicə almaq şərti ilə evə buraxılıb. 23 yaşlı Pərvanə Nəzərova isə xəstəxananın cərrahiyyə şöbəsinə yerləşdirilib, vəziyyəti kafidir.
Faktla bağlı araşdırma aparılır.
"Report"
ŞƏRH YAZ
DİGƏR XƏBƏRLƏR
