Qayda pozan avtobus sürücüsü maşını sürtüb güzgüsünü sındırdı - ANBAAN VİDEO

Novxanı-Xırdalan yolunda avtomobilə maddi ziyan vuran avtobus sürücüsünün görüntüsü anbaan videoqeydiyyatçıya düşüb.

Avtosfer.az-ın məlumatına görə, hadisə aprelin 23-də saat 06:53 radələrində qeydə alınıb. Kadrdan da görünür ki, 515 saylı marşrut xətti üzrə hərəkət edən sərnişin avtobusunun sürücüsü manevr qaydasını pozub. Belə ki, o, sol zolaqdakı nəqliyyat vasitəsinə əhəmiyyət vermədən sola manevr edib və bu vaxt həmin maşını vuraraq onun yan güzgüsünü sındırıb. 

Xatırladaq ki, dönmə işığını yandıraraq istənilən halda manevr etmək olmaz. Bu qayda pozuntusu hesab olunur və qəzayla nəticələnə bilər. Manevr etmək istəyən sürücü yalnız keçid edəcəyi zolağın boş olduğuna və digər nəqliyyat vasitələrinə təhlükə yaratmadığına əmin olduqda bu əməliyyatı icra edə bilər. 

Nərmin