Qayda pozan “Prius” sürücüsü “BMW”ni vurmaqdan son anda yayındı - VİDEO

Nərimanov rayonu Təbriz küçəsində qayda pozan sürücü qəza riski yaradıb.
Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Belə ki, taksi fəaliyyətiylə məşğul olan 90-LY-764 dövlət nömrə nişanlı “Toyota Prius” markalı maşının sürücüsü geriyə dönən zaman əks tərəfdən gələn “BMW” markalı avtomobilə yol vermədən hərəkət edib və yolun ortasında dayanıb. 
Bu zaman təhlükə ilə üzləşən “BMW” sürücüsü də avtomobili vaxtında dayandırıb və “Prius”a yol verib. Qayda pozan sürücü isə əliylə işarə edərək ona təşəkkürünü bildirib.                                        Qeyd edək ki, sürücü geriyə dönməzdən əvvəl öz zolağında dayanmalıdır. Qarşıdan gələn avtomobillərə maneə yaratmayacağına əmin olduqdan sonra manevrə başlamalıdır.

Nərmin