Qayda pozan sürücü əl-qol hərəkətləri ilə özünü haqlı göstərməyə çalışdı - VİDEO

Xırdalan şəhərində kobud qayda pozan sürücü avtomobilin kamerasına düşüb.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərərək məlumat verib. Hadisə dekabrın 4-də saat 11:00 radələrində Qalubiyyə küçəsində qeydə alınıb. Videodan göründüyü kimi, 77-PC-279 dövlət nömrə nişanlı “Khazar” markalı avtomobilin sürücüsü işıqforun qırmızı işığında dayanmadan hərəkətinə davam edib. Ardınca o, sağa manevr edərək maşını arxa-arxaya sürüb və daha sonra dayanıb. Bu zaman görüntünü qeydə alan sürücü qayda pozan şəxsə iradını bildirib. O isə əl-qol hərəkətləri ilə törətdiyi xətaya haqq qazandırıb. 

Şikayətçinin sözlərinə görə, sürücü sərnişin mindirdiyi üçün bu xətanı törədib. 

Nərmin