Qayda pozan sürücü kameraya düşdüyünü görüb baxın nə etdi - 77-XX-913 - VİDEO

Suraxanı rayonu İlqar Musayev küçəsində kobud qayda pozan sürücü kameraya düşüb. 
Avtosfer.az-ın məlumatına görə, hadisə yanvarın 30-da saat 18:53 radələrində qeydə alınıb. Videodan göründüyü kimi, 77-XX-913 dövlət nömrə nişanlı “Hyundai” markalı avtomobil sürücüsü qoşa xəttin tələbini pozaraq əks yolla hərəkət edib. Belə ki, o, qarşı zolağa keçərək digər hərəkət iştirakçılarına qəza riski yaradıb. Sürücü yol kənarındakı piyadanı götürmək üçün avtomobilin hərəkətini saxlayıb. İşin qəribə tərəfi isə piyadanın hadisəni çəkən sürücünü gördüyü zaman gülərək reaksiya verməsi olub. Sürücüyə vəziyyəti işarə edən piyada  daha sonra avtomobilə əyləşib. Qayda pozan şəxs isə hərəkət istiqamətini dəyişərək ərazidən uzaqlaşıb.
Qeyd edək ki, sürücünün törətdiyi qayda pozuntusu İnzibati Xətalar Məcəlləsinin 327.4-cü maddəsilə 4 bal 150 manat cəriməylə nəticələnir.

Nərmin