Qayda pozan sürücü qəzaya düşdü; “VAZ” iki hissəyə bölündü - VİDEO

Ötmə əməliyyatını vaxtında yerinə yetirməyən sürücü ağır yol qəzasına səbəb olub. Avtosfer.az xəbər verir ki, Rusiyanın Samara şəhərində “VAZ” markalı minik avtomobilinin sürücüsü ötmə əməliyyatını yerinə yetirmək istəyib. Ancaq zamanı düzgün tənzimləməyən sürücü əks zolaqdan nəqliyyat vasitəsinin gəldiyini görüb və əyləcə sıxaraq öz zolağına qayıtmaq istəyib. Lakin sürüşən avtomobil yan fırlanaraq gələn nəqliyyat vasitəsi ilə toqquşub.
Yerli medianın məlumatına görə, zərbənin təsirindən “VAZ” iki hissəyə bölünüb.
Qəza nəticəsində qayda pozan sürücünün iki sərnişini hadisə yerində ölüb. Hər iki sürücü və digər avtomobilin sərnişini ağır xəsarətlər alıblar. Yaralılar hadisə yerinə çağırılan təcili tibbi yardım maşınları ilə xəstəxanaya aparılıblar.
Sözügedən hadisənin anbaan videosunu təqdim edirik:

Namiq Musayev