Qayda pozan “Vito” sürücünü əsəbiləşdirdi: “Güzgüyə bax da, ay kişi” - VİDEO

Qəza təhlükəsi yaradan sürücü anbaan görüntülənib. Avtosfer.az-ın məlumatına görə, hadisə yanvarın 19-u saat 13:48 radələrində qeydə alınıb. Videodan aydın olduğu kimi, hərəkətdə olan 99-DF-528 dövlət nömrə nişanlı “Mercedes Vito” markalı minik vasitəsinin sürücüsü qayda pozub.

Belə ki, öndəki maşını ötməyə çalışan sürücü sol zolağa keçməyə cəhd edib. Bu zaman həmin zolaqdakı avtomobilə qəza riski yaradıb. Təhlükəylə üzləşən sürücü qayda pozan şəxsə siqnal verərək xəbərdarlıq edib. Daha sonra isə o, qayda pozan şəxsə “güzgüyə bax da, ay kişi” deyərək uzaqlaşıb.

Qeyd edək ki, ehtiyatsız sürücülər arasında geniş yayılmış bu qayda pozuntusu bəzən ağır qəzalara da səbəb olur. Öndəki nəqliyyat vasitəsini ötməyə çalışan sürücü zolağı müşahidə etmədən qarşı tərəfə keçməməlidir.

Nərmin