Qayda pozmaqdan bezmədi, maşının önünü kəsib “əcəb edirəm” də dedi - 90-MA-950 - VİDEO

Paytaxtın Nərimanov rayonu, Gülarə Qədirbəyova küçəsində qayda pozan sürücünün görüntüsü videoqeydiyyatçıya düşüb.

Başına gələn xoşagəlməz halla bağlı izləyici Avtosfer.az-ın “Whatsapp” ünvanına müraciət edib. Hadisə aprelin 13-də saat 16:42 radələrində qeydə alınıb. Hərəkətdə olan 90-MA-950 dövlət nömrə nişanlı “KIA” markalı avtomobilin sürücüsü manevr qaydasını pozub. Belə ki, sağa manevr edən sürücü həmin zolaqdakı maşını sıxışdırıb. Ardınca o, sağ zolağa yenidən manevr edərək görüntünü qeydə alan sürücüyə qəza şəraiti yaradıb.

İzləyicinin iddiasına görə, qayda pozan sürücü daha sonra maşından düşərək onunla mübahisə etməyə başlayıb: “Mənə nə üçün ona yol vermədiyimi soruşdu. Dönmə işığını yandırmadan, kobud şəkildə müraciət etdiyi üçün yol vermədiyimi bildirdim. O isə  “Əcəb edirəm dönmə işığını yandırmıram” deyərək ərazidən uzaqlaşdı”. 

Nərmin