Qayda pozub maşını sıxır, sonra isə şər atır: Sən məni sıxırsan - VİDEO

Bakıda yol hərəkəti qaydasını pozan xanım sürücü mübahisə edib. Avtosfer.az xəbər verir ki, hadisə paytaxtın Üzeyir Hacıbəyli küçəsində baş verib.

Belə ki, 77-SN-720 qeydiyyat nişanlı "Chevrolet" markalı avtomobilin sürücüsü sağ zolağa yerdəyişmə edərək görüntünü qeydə alan avtomobili sıxışdırıb. Halbuki, hərəkət etdiyi zolaqla düzünə gedə bilərdi. Qayda pozmağı azmış kimi svetoforda dayanan zaman təhlükə yaratdığı sürücü ilə mübahisə etməyə başlayıb. O, dəfələrlə "siz məni sıxdınız" deyərək günahı qarşı tərəfin üzərinə atıb.

Əksər sürücülər düşünürlər ki, dönmə işığını yandırdığı halda istədiyi formada manevr edə bilər. Lakin bu, yanlış düşüncədir. Dönmə işığı yandırmaq sürücüyə heç bir üstünlük vermir. Bu işıq yalnız manevr və ötmə ilə bağlı hərəkət iştirakçılarını xəbərdar etmək funksiyasını daşıyır.

Sözügedən videonu təqdim edirik.

Könül Rauf