Qaydalardan xəbərsiz sürücü piyadaların yolunu kəsdi - VİDEO

Bakıda yol hərəkəti qaydalarından xəbərsiz sürücü piyadaların hərəkətinə mane olub.
Avtosfer.az xəbər verir ki, videogörüntü martın 4-də, paytaxtın Şah İsmayıl Xətai prospketində qeydə alınıb. Belə ki, 77-PN-572 qeydiyyat nişanlı "Nissan" markalı avtomobilin sürücüsü yolayrıcında tıxacın olmasına baxmayaraq hərəkətinə davam edib. Lakin tıxac səbəbindən hərəkətini başa çatdıra bilmədiyi üçün piyada keçidinin üzərində dayanıb. Yolu keçmək istəyən piyadalar maneə ilə üzləşiblər.

"Yol hərəkəti haqqında" qanunun 75-ci maddəsində qeyd olunub ki, yolayrıcından və ya kəsişmə yerlərindən o tayda tıxac yaranıbsa, belə kəsişmə yerlərinə daxil olmaq qadağandır. Çox təəssüf ki, əksər sürücülər bu qaydadan xəbərsizdir. Bu səbəbdən də yolayrıcına daxil olaraq digər istiqamətdən gələn sürücülərin yolunu kəsirlər. Nəticədə xaos yaranır.


Leyla