![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Qaydalardan xəbərsiz sürücü yolayrıcında qalıb hərəkəti çətinləşdirdi - VİDEO
![Qaydalardan xəbərsiz sürücü yolayrıcında qalıb hərəkəti çətinləşdirdi - VİDEO](/upload/news/3388450.jpg)
Qaydalardan xəbərsiz sürücü yolda hərəkətə çətinlik yaradıb. Avtosfer.az xəbər verir ki, hadisə avqustun 29-da, paytaxtın Zahid Xəlilov və Əbdürrəhim bəy Haqverdiyev küçələrinin kəsişməsində baş verib.
Belə ki, 99-XE-930 qeydiyyat nişanlı "KIA" markalı avtomobilin sürücüsü tıxac olduğunu görsə də yolayrıcına girərək yolun ortasında qalıb. Digər istiqamətə yaşıl işıq yanan zaman isə həmin avtomobillərin qarşısını kəsərək onların hərəkətinə çətinlik yaradıb. Yolun keçilməz olduğunu görən sürücü geriyə hərəkət etməyə məcbur olub. Bu zaman keçidin üzərində dayanaraq növbəti dəfə qaydanı pozub.
"Yol hərəkəti haqqında" haqqında qanunun 75-ci maddəsinin II hissəsində qeyd olunub ki, əgər yolayrıcında və ya hərəkət hissələrinin kəsişməsində tıxac yaranıbsa və bu sürücünü dayanmağa məcbur edərək digər nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya kəsişmə yerlərinə girməsi qadağandır.
Qeyd edək ki, bu qayda pozuntusuna görə, İnzibati Xətalar Məcəlləsinin 327.2-ci maddəsilə 3 bal 100 manat məbləğində cərimə nəzərdə tutulub.
Fərid