Qaydaları heçə sayan taksi sürücüsü qəza şəraiti yaratdı - VİDEO

Paytaxtın Dilarə Əliyeva küçəsində taksi sürücüsü eyni anda bir neçə qaydanı pozub. Avtosfer.az xəbər verir ki, hadisə noyabrın 23-də saat 10:27 radələrində qeydə alınıb. Belə ki, sözügedən küçədə ikinci hərəkət zolağında olan “Renault” markalı avtomobilin sürücüsü öncə sol zolağda hərəkətdə olan avtomobilin qarşısına çıxaraq qəza şəraiti yaradıb, daha sonra isə qoşa xəttin tələbini pozaraq Fikrət Əmirov küçəsinə keçid edib.

Qeyd edək ki, sürücü 1.3 üfüqi nişanlanma xəttinin tələblərinə riayət etməyərək sola və ya geriyə dönməyə və qəza şəraiti yaratdığına görə, məsuliyyətə cəlb edilə bilər.

Fərid