Qaydaları hələ də öyrənməyən qadın sürücü baş yola çıxaraq təhlükə yaratdı - VİDEO

Paytaxtın Heydər Əliyev prospektində yol hərəkəti qaydasını pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə dekabrın 26-da saat 14:31 radələrində qeydə alınıb. Videodan görünür ki, 10-BA-888 dövlət nömrə nişanlı “Toyota” markalı avtomobilin sürücüsü bütöv xəttin tələbini pozaraq ikinci dərəcəli yoldan baş yola manevr edib. Bu zaman o, görüntünü qeydə alan avtomobildəki sürücünün yolunu kəsib və qəza şəraiti yaradıb.Təhlükə ilə üzləşən sürücü siqnal verərək xəbərdarlıq etsə də, o əhəmiyyət vermədən hərəkətinə davam edib.

İzləyicinin sözlərinə görə, avtomobili idarə edən qadın olub.

Qeyd edək ki, sürücünün hərəkət etdiyi yolda yalnız düz istiqamətdə hərəkət etməyə icazə verən yol nişanı mövcuddur.

Belə halların qarşısını almaq üçün yol hərəkəti qaydalarına əməl etmək vacibdir. Bütöv xəttin və yol nişanlarının tələblərinə riayət etməmək həm sürücünün, həm də digər yol iştirakçılarının təhlükəsizliyini risk altına qoyur.

Nərmin