Qaydanı pozan yaşlı qadın maşının altında qalmaqdan son anda xilas oldu - VİDEO

Xırdalan şəhərində yol hərəkəti qaydasını pozan piyadanın görüntüsü avtomobildəki kameraya düşüb. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, nizamlanan piyada keçidini qırmızı işıqda keçən yaşlı qadın avtomobillərin gəldiyini görərək qaçmağa başlayıb. Bu zaman onun ayağı büdrəyərək ayırıcı zolağa çırpılıb. Xoşbəxtlikdən, görüntünü qeydə alan avtomobil aşağı sürətlə hərəkət etdiyindən faciənin qarşısı alınıb.

Qeyd edək ki, sözügedən piyada keçidində piyadaların qırmızı işıqda yolu keçməsi halları mütəmadi olaraq müşahidə olunur. Bu cür qayda pozuntuları həm piyadaların, həm də digər hərəkət iştirakçılarının həyatını ciddi təhlükə altına qoyur.

Fərid