Qəbələdə boş zolağı qoyub əks yola çıxan sürücü söyüldü - VİDEO

Qəbələdə kobud qayda pozan sürücü görüntülənib.
Avtosfer.az-ın məlumatına görə, hadisə martın 7-si saat 09:59 radələrində qeydə alınıb. Videodan göründüyü kimi, 90-CE-904 dövlət nömrə nişanlı “Hyundai” markalı avtomobil əks istiqamətli yolla hərəkət edib. Belə ki, qayda pozan sürücü zolağın boş olmasına baxmayaraq qarşı tərəflə sürüb. Bu zaman həmin zolaqdakı avtomobilə qəza riski yaradıb. Təhlükəylə üzləşən sürücü ona “üstümə sürmə də” deyərək əsəbiləşib. Qayda pozan şəxs isə dayanmadan yoluna davam edib. 
Qeyd edək ki, sürücünün törətdiyi bu əməl İnzibati Xətalar Məcəlləsinin 327.4-cü maddəsilə 4 bal 150 manat cəriməylə nəticələnir.

Nərmin