Qəfil dayanıb sərnişin mindirən sürücü az qala zəncirvari qəza törədəcəkdi - VİDEO

Göygöl rayonunda kobud qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə noyabrın 19-da saat 17:31 radələrində qeydə alınıb. Videodan göründüyü kimi, 99-SM-375 dövlət nömrə nişanlı “Hyundai Accent” markalı avtomobilin sürücüsü hərəkətdə olduğu zaman qəfil dayanaraq sərnişin mindirib. Nəticədə o, arxadan gələn nəqliyyat vasitələrinə qəza şəraiti yaradıb. Xoşbəxtlikdən sürücülər ara məsafəsi saxladıqları üçün təhlükəni dəf edə biliblər. Kadrda sol zolaqda hərəkətdə olan “Toyota” sürücüsünün də vaxtında dayanaraq qəzanın qarşısını aldığı aydın görünür.

Qeyd edək ki, hərəkət zolağında qəfil dayanmaq, xüsusilə də sərnişin mindirmək və ya düşürmək üçün nəqliyyat vasitəsini saxlayıb manevr etmək qadağandır. Bu cür dayanma yalnız xüsusi ayrılmış “dayanacaq” və “sərnişin düşürmə-minmə” yerlərində mümkündür. Sürücülər ara məsafəsinə və ətraf nəqliyyata diqqət etməli, qəfil manevrlərlə həm özlərini, həm də başqalarını riskə atmamalıdırlar.

Nərmin