Qəfil manevr edən sürücü qəzaya səbəb oldu - ANBAAN VİDEO

Bakı şəhəri, Əliyar Əliyev küçəsində üç nəqliyyat vasitəsinin iştirakı ilə baş verən yol-nəqliyyat hadisəsində xəsarət alan motosiklet sürücüsünün vəziyyəti açıqlanıb.

Avtosfer.az xəbər verir ki, bu barədə Oxu.az-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, Respublika Təcili və Təxirəsalınmaz Tibbi Yardım Mərkəzinə Əliyar Əliyev 218 küçəsindən yol-nəqliyyat hadisəsinin baş verməsi səbəbi ilə çağırış daxil olub.

"Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 23 yaşlı (kişi cinsli) şəxsə ilkin tibbi xidmət göstərilib və o, Kliniki Tibbi Mərkəzə təxliyə olunub.

Pasiyentə çənənin ikitərəfli yerdəyişməsi, böyrəklərdə hematoma diaqnozu ilə zəruri tibbi yardımlar göstərilib. Hazırda müvafiq şöbədə müalicəsi davam etdirilir, vəziyyəti stabildir", - məlumatda qeyd olunub.

***

Bakı şəhəri, Əliyar Əliyev küçəsində üç nəqliyyat vasitəsinin iştirakı ilə yol-nəqliyyat hadisəsi baş verib. Avtosfer.az Oxu.az-a istinadən xəbər verir ki, qəzaya səbəbin nəqliyyat vasitələrinin yanlış geridönmə manevri etməsi olduğu bildirilir. Hərəkətdə olan nəqliyyat vasitəsinin təhlükəsizlik kamerası ilə qeydə alınan görüntülərdən məlum olur ki, qara rəngli "Hyundai Grandeur" markalı avtomobil geridönmə manevri edir. Bu zaman ağ rəngdə olan "Toyota Prius" markalı avtomobil də qarşıdakı nəqliyyat vasitəsini gözləmədən eyni manevri etməyə çalışır. Bu zaman eyni istiqamətdə hərəkət edən motosiklet qəfil manevr edən "Prius"a çırpılır. Hadisə nəticəsində motosiklet sürücüsü ağır xəsarət alıb.

Hadisənin anbaan görüntüləri: