Qəflətən sağ zolağa keçən “Volkswagen” qəza riski yaradıb sürücünü əsəbiləşdirdi - VİDEO

Nərimanov rayonu Əhməd bəy Ağaoğlu küçəsində qayda pozan sürücü kameraya düşüb.
Avtosfer.az-ın məlumatına görə, hadisə fevralın 4-də günorta saatlarında qeydə alınıb. Videodan göründüyü kimi, sol zolaqda hərəkətdə olan 77-NA-581 dövlət nömrə nişanlı “Volkswagen” markalı avtomobilin sürücüsü manevr qaydasını pozub. Belə ki, o, anidən sağ zolağa keçərək yolu dönüb. Bu zaman həmin zolaqdakı maşına qəza riski yaradıb. Təhlükəylə üzləşən sürücü siqnal verərək xəbərdarlıq edib, lakin qayda pozan şəxs dayanmadan yoluna davam edib.
Qeyd edək ki, bu qayda pozuntusu İnzibati Xətalar Məcəlləsinin 327.1-ci maddəsinə əsasən, 40 manat cəriməylə nəticələnir.

Nərmin