Qəza şəraiti yaradan sürücü özünə haqq qazandırdı: "Dönmə işığı yandırmışdım" - VİDEO

Bakı-Sumqayıt yolunda manevr qaydasını pozan sürücünün videosu kameraya düşüb. Avtosfer.az xəbər verir ki, hadisə dekabrın 28-də, Beynəlxalq Avtovağzalın yaxınlığında baş verib.

Belə ki, 77-AJ-763 qeydiyyat nişanlı "Khazar" markalı avtomobilin sürücüsü qəfildən zolağını dəyişərək görüntünü qeydə alan avtomobilə qəza şəraiti yaradıb. Təhlükə ilə üzləşən sürücü irad bildirən zaman, o, dönmə işığını yandırdığını bildirərək özünə haqq qazandırışmağa çalışıb.

Təəssüf ki, bəzi sürücülər dönmə işığını yandırmaqla bütün məsuliyyətin üzərlərindən götürüldüyünü düşünürlər. Bu yanlış düşüncə, tez-tez yol qəzalarının baş verməsinə səbəb olur.

Xatırladaq ki, sürücü dönmə işığını yandırmış olsa belə, hərəkətə mane olduğu halda məsuliyyətə cəlb oluna bilər.

Könül Rauf