Qəza şəraiti yaradıb hədə-qorxu gələn sürücünün kimliyi bilindi - DYP onu... - VİDEO

Bakıda qəza şəraiti yaradan sürücü məsuliyyətə cəlb edilib. Bu barədə Avtosfer.az-a Bakı şəhər Dövlət Yol Polisi İdarəsindən məlumat verilib. Belə ki,paytaxtın Təbriz küçəsində hərəkət edən 99-PX-894 qeydiyyat nişanlı “Ravon” markalı avtomobilin sürücüsü sağ zolağa manevr edən zaman motosiklet sürücüsünə yol verməyib. Bu azmış kimi təhlükə yaratdığı sürücüyə hədə-qorxu gəlməyə başlayıb: “Sən bilirsən kiminlə danışırsan? Başın ağrımaq istəyir”? – deyərək qorxu yaratmağa başlayıb. Videogörüntü dərc edildikdən sonra DYP həmin sürücü barəsində araşdırmaya başlayaraq onun kimliyini müəyyən ediblər. Törətdiyi xətaya uyğun olaraq İnzibati Xətalar Məcəlləsinin 327.1-ci maddəsi ilə 40 manat məbləğində cərimə edilib.

Leyla