Qəza şəraiti yaratdı, ardınca “Yaxşı edib yol vermirəm, çək qırağa..” dedi - 77-FL-307 - VİDEO

Paytaxtın Xətai rayonu, Neapol küçəsində qayda pozan sürücü qəza riskinə səbəb olub.

Avtosfer.az-ın məlumatına görə, hadisə aprelin 17-də saat 19:15 radələrində qeydə alınıb. Belə ki, 77-FL-307 dövlət nömrə nişanlı “Hyundai” markalı avtomobilin sürücüsü dairəvi hərəkət təşkil olunmuş yolayırıcının keçilməsi qaydasını pozub. Belə ki, o, dairə boyunca hərəkət edən avtomobilin yolunu kəsərək təhlükə yaradır. Bu vaxt görüntünü qeydə alan sürücü siqnal verərək maşını saxlayır və  qəzadan son anda xilas olur. 

Daha sonra o, qayda pozan avtomobilə yaxınlaşaraq nə üçün yol vermədiyini soruşur. “Hyundai”ın sürücüsü isə onun suaılını cavablamadan niyə siqnal verdiyini irad bildirir. Görüntünü qeydə alan sürücü “Yaxşı edib siqnal verirəm” deyir. Onun bu cavabının qarşılığında qayda pozan şəxsin “Mən də yaxşı edib yol vermirəm” deməsi sürücünü daha da əsəbiləşdirir. O, “Hyundai”ın sürücüsünə “Ağıllı ol, ay kişi” deyə müraciət edir. Xəta törədən sürücü isə “Çək qırağa, sənə ağıllı olduğumu göstərim” bildirərək onun bu müraciətini cavabsız qoymur. 

Xatırladaq ki, Yol Hərəkəti Haqqında Qanunun 42-ci madəsində qeyd olunub ki, dairəvi hərəkət təşkil olunmuş yolayrıcının qarşısında qoyulmuş 4.3 nişanı olduqda, sürücülər dairə boyunca hərəkət edən nəqliyyat vasitələrinə yol verməlidir.
 

Nərmin