Qəza zamanı zərər dəyən maşınları yol kənarına çəkmək olar? – SIĞORTA EKSPERTİ AÇIQLADI - VİDEO

Ölkəmizdə baş verən yol-nəqliyyat hadisələri zamanı sürücülər avtomobillərini qəza baş verən yerdən yolun kənarına tərəf çəkməyə ehtiyat edirlər. Əksər sürücülər bunu  sığorta şirkətlərinin ödəniş etməkdən yayınmaqları ilə əlaqələndirir.

Avtosfer.az xəbər verir ki, mövzu ilə əlaqədar “Avto FM”in efirində qonaq olan Azərbaycan Sığortaçılar Assosiasiyasının ekspert qrupunun üzvü Emin Allahverdiyev deyib ki, qəza baş verən yerdə saatlarla gözləməyə ehtiyac yoxdur:

“Bu hal ərazidəki nəqliyyat axınına da mənfi təsir edir, tıxaca səbəb olur. Qəza baş verən vaxt əlaqədar istiqamətlərdə məlumatlandırmanı etdiz, DYP inspektoru və sığorta şirkətinin əməkdaşı yaxınlaşdı. Hadisəni qeydiyyata aldı. Belə olan halda siz avtomobilinizi ərazidən uzaqlaşdıra bilirsiz. Lakin bəzən sığorta əməkdaşı əraziyə yarım saat, 40 dəqiqəyə gələ bilər. Siz bu halda avtomobilinizi yolun kənarına çəkə bilərsiz. Hadisə yerindən yayınmamaq şərtilə nəqliyyat vasitələrinizi 100-200-300 metr məsafədə hərəkətə mane olmayacaq şəkildə park edə bilərsiz”.

Həmin videonu sizə təqdim edirik:

Səfər