Qırmızı işıqda dayanmayan sürücü 150 manatlıq qayda pozdu - VİDEO

Paytaxtın Yasamal rayonunda kobud qayda pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, hadisə bir neçə gün əvvəl Akim Abbasovla Abbas Mirzə Şərifzadə küçələrinin kəsişməsində qeydə alınıb. Belə ki, 77-LE-757 dövlət nömrə nişanlı “Changan” markalı avtomobilin sürücüsü qırmızı işıqda dayanan nəqliyyat vasitələrindən fərqli olaraq qoşa xəttin tələbini pozaraq əks istiqamətli yola çıxıb. Lakin qayda pozan sürücü yolu keçən piyadaları görərək bir müddət sonra dayanıb.

Xatırladaq ki, bu qayda pozuntusu İnzibati Xətalar Məcəlləsinin 327.4-cü maddəsilə 4 bal 150 manat cəriməylə nəticələnir.

Nərmin