Qırmızı işıqda dayanmayan sürücü təhlükəli anlar yaşatdı - VİDEO

Bakıda qaydalara əməl etməyən sürücü təhlükəli anlar yaşadıb. Avtosfer.az xəbər verir ki, hadisə oktyabrın 22-də, paytaxtın Süleyman Əhmədov küçəsində baş verib.

Belə ki, 90-FY-495 qeydiyyat nişanlı "Mercedes Vito" markalı avtomobilin sürücüsü svetoforun qırmızı işığına məhəl qoymayaraq yoluna davam edib. Bu zaman Xəzər Media Mərkəzindən çıxan avtomobilin qarşısına keçərək ona qəza şəraiti yaradıb.

Qeyd edək ki, bu qayda pozuntusuna görə, sürücü İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilər.

Könül Rauf