Qırmızı işıqda gözləməyə səbri çatmayan sürücü yolayrıcında təhlükə yaratdı - VİDEO

Xırdalan şəhərində yol hərəkəti qaydasını pozan sürücü kameraya düşüb. Avtosfer.az xəbər verir ki, hadisə Heydər Əliyev prospektilə Mehdi Hüseynzadə küçəsinin kəsişməsində qeydə alınıb. Belə ki, taksi fəaliyyəti ilə məşğul olan 77-TV-049 qeydiyyat nişanlı "Toyota"markalı avtomobilin sürücüsü svetoforun sarı işığının yanmasını görsə də məhəl qoymayıb. O, gəldiyi sürətlə yoluna davam edərək qarşıdan sola dönən nəqliyyat vasitəsinə təhlükə yaradıb.

Qeyd edək ki, bu sürücü törətdiyi qayda pozuntusuna görə, İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilər.

Fərid