Qırmızı işıqda yolayrıcına girən bahalı maşınlar xanım sürücünü qəzəbləndirdi - VİDEO

Abşeron rayonu Masazır qəsəbəsində qayda pozan sürücülər anbaan kameraya düşüb.

Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Hərəkətdə olan 99-VN-989 dövlət nömrə nişanlı “Toyota Camry” markalı və rus qeydiyyat nişanlı “Mercedes” markalı avtomobillərin sürücüləri işıqforu gözləmədən yolayrıcına daxil olurlar. Bu zaman baş yolda hərəkətdə olan avtomobilin sürücüsü öncə siqnal verərək, ardıyca “dayanın da, qırmızı işıq yanır, ay axmaqlar” deyərək qışqırır.

Xatırladaq ki, İnzibati Xətalar Məcəlləsinin 327.2-ci maddəsinə əsasən, bu qayda pozuntusu 80 manat və 3 balla qiymətləndirilir.

Nərmin