Qırmızıda keçən sürücü qəza riski yaradıb “yaxşı edirəm” dedi - VİDEO

Paytaxtın Rəşid Behbudov küçəsində qayda pozan sürücü görüntülənib. Avtosfer.az-ın məlumatına görə, hadisə mayın 23-də saat 18:32 radələrində qeydə alınıb. Belə ki, 99-NH-974 dövlət nömrə nişanlı “Mercedes Vito” markalı avtomobilin sürücüsü işıqforun qırmızı işığında keçir və motosikletə qəza riski yaradır.

Bu zaman moto sürücü siqnal verərək ona xəbərdarlıq edib. Lakin sürücü dayanmadan yoluna davam edir. Daha sonra bayker sürücüyə yaxınlaşaraq iradını bildirir. O isə cavabında “yaxşı edirəm” deyərək moto sürücünü qəzəbləndirir. 

Qeyd edək ki, İnzibati Xətalar Məcəlləsinin 327.2-ci maddəsinə əsasən, bu qayda pozuntusu 80 manat və 3 balla qiymətləndirilir.

Nərmin