Qırmızıdan keçən “Audi” qolf arabası ilə toqquşdu; 4 nəfər xəsarət aldı - VİDEO

Qayda pozan sürücü qəzaya səbəb olub. Avtosfer.az xəbər verir ki, ABŞ-nin San-Fransisko şəhərində baş verən hadisə kameraya düşüb.

Məlumata görə, “Audi” markalı avtomobilin sürücüsü işıqforun qırmızı işığına məhəl qoymayaraq hərəkət edib və yol kəsişməsində qolf arabası ilə toqquşub. Zərbənin təsirindən qolf arabasının sürücüsü bir neçə metr havada uçaraq asfalta düşüb.

Qəza nəticəsində 4 nəfər xəsarət alıb. Yaralıların vəziyyəti yüngül və orta-ağır olaraq qiymətləndirilir.

Faktla bağlı yerli polis idarəsi tərəfindən araşdırma başladılıb.

Sözügedən hadisənin anbaan videosunu təqdim edirik:

Namiq Musayev