Qıza xoş gəlsin deyə sürəti artıran motosikletçi qəzaya düşdü; hər ikisi öldü - VİDEO

Qayda pozaraq polisdən qaçan motosikletçi ağır yol qəzası törədib. Avtosfer.az xəbər verir ki, hadisə Rusiyanın paytaxtı Moskvada baş verib. Məlumata görə, 16 yaşlı yeniyetmə 18 yaşlı qızın təqdirini qazanmaq üçün idarə etdiyi motosikletlə sürət həddini aşaraq təhlükəli hərəkətlər edib. Ərazidə xidmət aparan yol polisi ekipajı gənc sürücünün bu hərəkətlərini  fərq edərək ona “Saxla” əmrini veriblər. Ancaq gənc əmrə məhəl qoymayaraq təhlükəli hərəkətlərinə davam edib. Təqib zamanı gənc sürəti daha da artıraraq motosikletin idarəetməsini itirib və minik avtomobili ilə toqquşub.

Zərbənin təsirindən motosikletçi və onun sərnişini havada uçaraq biri asfalta, digəri isə yol kənarına düşüb.

Qəza nəticəsində hər iki yeniyetmə dünyasını dəyişib.

Hadisə ilə bağlı araşdırmalara başlanılıb.

Namiq Musayev