“Range Rover”dayanacağı, “KİA” isə zolağı zəbt etdi: avtobus necə getsin? - VİDEO

Paytaxtda kobud şəkildə qayda pozan sürücülər görüntülənib. Avtosfer.az xəbər verir ki, video aprelin 19-da Hüseyn Cavid prospektində qeydə alınıb. Belə ki, 02-BP-452 qeydiyyat nişanlı “KİA Optima” markalı avtomobilin sürücüsü hərəkət zolağında avtomobili saxlayıb. Eyni zamanda 90-RR-444 dövlət nömrə nişanlı, “Range Rover” markalı avtomobilin sürücüsü də qaydaları pozaraq dayanacaq ərazisidə park edib.

Qeyd edək ki, qanunvericiliyə görə, avtobus zolağında dayanmağa görə 40 manat, yolun hərəkət zolağında dayanmağa görə isə 20 manat cərimə nəzərdə tutulur.

Xatırladaq ki, nəqliyyat ekspertləri və mütəxəssislər cərimələrdə dəyişiklik edilməli olduğunu və dayanma-durmaya görə məbləğin artırılmasının zərurətini qeyd edirlər. Belə ki, ikinci cərgədə, səkidə, piyada keçidinin üzərində park etməyə görə cərimənin fərqli olması vacibdir.

Məhəbbət Tərlanoğlu