Ruh kimi yola çıxan sürücü ölümdən son anda qurtuldu - ANBAAN VİDEO

Yolayrıcına daxil olan bəzi sürücülər sağa və ya sola düzgün şəkildə dönmədikləri üçün təhlükəyə səbəb olurlar. Belə ki, onlar əks istiqamətli yola çıxaraq qarşı tərəfdən gələn nəqliyyat vasitələrinə qəza şəraiti yaradırlar. Bəzi hallarda isə bu xəta qəzayla nəticələnir. Xüsusilə dar yollarda təhlükə ikiqat artır.

Qeyd etdiyimiz halla bağlı video sosial şəbəkədə müzakirələrə səbəb olub. Avtosfer.az-ın məlumatına görə, hadisə yanvarın 3-də saat 12:53 radələrində İmişli rayonunun Bəcirəvan kəndində baş verib. Belə ki, 90-NG-818 dövlət nömrə nişanlı “Hyundai” markalı avtomobilin sürücüsü sağa dönərkən əks yola çıxıb və bu zaman qarşıdan gələn “Chevrolet” markalı maşına qəza riski yaradıb. 

“Yol hərəkəti haqqında” qanunun 42-ci maddəsinin 7-ci hissəsinə görə, sürücülər sağa və ya sola dönərkən qarşıdan gələn nəqliyyat vasitələrinin yoluna keçməməlidirlər. Eyni zamanda, sağa dönərkən hərəkət hissəsinin mümkün qədər sağ kənarına yaxın hərəkət etməlidirlər.

Nərmin