Rusiyaya avtomobillə getmək istəyənlərə yeni xəbər - VİDEO

Xarici ölkələrə şəxsi avtomobilləri ilə gedənlərin mülki məsuliyyətinin icbari sığortasını nəzərdə tutan “Yaşıl kart” sisteminə daha bir ölkə əlavə olunub. İran və Türkiyənin ardından avqustun 1-dən Rusiyaya gedən sürücülər də bu sistemdən istifadə edə biləcəklər. “Yaşıl kart” sığorta şəhadətnaməsi 1, 3 ,6 və 12 aylıq müddət üçün nəzərdə tutulur. Ölkəmizdə belə şəhadətnaməni 11 şirkət verir. Sığorta haqları müqavilənin müddətindən, avtomobillərin yük götürmə qabiliyyətindən və mühərrikin həcmindən asılı olaraq dəyişir. “Yaşıl kart” sisteminə görə, xarici ölkələrə şəxsi avtomobilləri ilə səyahət edən sürücülər qəza törədərlərsə dəymiş ziyan həmin ölkənin icbari sığortalar bürosu tərəfindən ödənilir. Bu məbləğ hər bir ölkəyə görə fərqlənir. Daha sonra zərərçəkənə ödənilən vəsait müvafiq qaydada ölkəmizin icbari sığorta bürosundan tələb edilir.