Saatlıda narkotik çəkən vəsiqəsiz sürücü 30 günlük HƏBS EDİLDİ

Saatlı rayonunda narkotikin təsiri altında sürücülük vəsiqəsi olmayan sürücü müəyyən olunub.

Avtosfer.az-ın məlumatına görə, Saatlı Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlərlə avtomobili sürücülük hüququ olmadan, eləcə də narkotik vasitələrin təsiri altında idarə edən sürücü - Kazım Piriyev saxlanılıb. Müayinə zamanı onun narkotik vasitə olan marixuana istifadə etdiyi məlum olub.

Sürücü barəsində toplanmış material baxılması üçün məhkəməyə göndərilib. Məhkəmənin qərarı ilə K.Piriyev 30 sutka inzibati qaydada həbs edilib.

Nərmin