Sağdan ötüb xəttin tələbini pozan "Prado" sürücüsü dönmə işığını da yandırmadı - VİDEO

Paytaxtda qaydaları kobud şəkildə pozan sürücü görüntülənib.

Avtosfer.az xəbər verir ki, hadisə Babək prospektində baş verib.

Belə ki, 10-CZ-222 dövlət qeydiyyat nişanlı “Toyota Land-Cruiser” markalı avtomobilin sürücüsü magistral yolda hərəkətdə olarkən düz xəttin tələbini pozaraq, dönmə siqnalını yandırmadan, 3-cü zolaqdan 1-ci zolağa ani manevrlə keçib. Sürücü həm manevr qaydalarını, həm də 1.1 xəttinin tələbini pozub. O, digər nəqliyyat vasitələrinin hərəkətinə mane olub. Həmçinin qəza vəziyyəti yaradıb.

Qeyd edək ki, sürücü İnzibati Xətalar Məcəlləsinə əsasən düz xəttin tələbini pozduğuna görə 60 manat, 3 bal cərimə edilməlidir.

Məhəbbət Tərlanoğlu