Sağına baxmadan hərəkət edən taksi sürücüsü təhlükə yaratdı - VİDEO

Diqqətsizlik edən taksi sürücüsü qəza şəraiti yaradıb. Avtosfer.az xəbər verir ki, hadisə dekabrın 16-da, paytaxtın Nəriman Nərimanov prospektində qeydə alınıb.

Belə ki, "Bolt" taksi şirkətinə məxsus 77-YH-945 qeydiyyat nişanlı "Hyundai" markalı avtomobilin sürücüsü yolun sol kənarından hərəkətə başlayan zaman görüntünü qeydə alan avtomobilin qarşısına çıxıb. Sürücü tormoz verərək baş verə biləcək qəzanın qarşısını alıb.

Qeyd edək ki, bu qayda pozuntusuna görə, İnzibati Xətalar Məcəlləsinin 327.1-ci maddəsilə 40 manat məbləğində cərimə nəzərdə tutulub.

Fərid