Sakinlərin etirazından sonra Bakıdakı park yenidən qurulub - VİDEO

Ötən ilin aprel ayında Bakıda parkın yararsız hala salınması ilə bağlı məlumat yayılmışdı.
Avtosfer.az xəbər verir ki, paytaxtın Badamdar qəsəbəsi Sahib İbrahimxəlilov küçəsində yerləşəmn 34 saylı poliklinikanın qarşısındakıə parkda obyekt tikmək üçün gecə saatlarında parkdakı ağaclara, yaşıllıqlara zərər vurulmuşdu.

Tikinti işləri başladılana qədər parkda bəzi ağacların qəsdən qurudulduğu, tədricən kəsildiyi qeyd olunmuşdu.
Sakinlərin etirazı və məsələnin ictimailəşdirilməsindən sonra tikintinin qarşısı alınıb. Park artıq yenidən abadlaşdırılıb, yeni ağaclar əkilib, yaşıllıqlar salınıb, sakinlərin istirahəti üçün yeni skamyalar qoyulub, uşaqların əyləncəsi üçün yelləncəklər qurulub.

Səfər Əlizadə