Sarı işıqdan yalnız bu halda istifadə etsəniz, CƏRİMƏLƏNMƏYƏCƏKSİNİZ - VİDEO

İşıqforun sarı işığı hərəkəti qadağan edir, lakin bir istisna var.

Avtosfer.az xəbər verir ki, işıqforun sarı işığında qayda pozuntusu barədə nəqliyyat məsələləri üzrə ekspert Ərşad Hüseynov bildirir ki, yüksək sürətlə hərəkət edən sürücülər sərt tormozlama təhlükəsi yarandıqda sarı işıqda keçə bilərlər. Yaşıl işığın yanıb-sönməsi zamanı sürücü məsafəni, sürəti və yolayrıcındakı vəziyyəti qiymətləndirərək hərəkətini planlamalıdır.

BDYPİ rəsmisi Mübariz Ağayev qeyd edir ki, qırmızı və sarı işıqların eyni vaxtda yanması da hərəkəti qadağan edir və tezliklə yaşıl işığın yanacağını bildirir. Qaydaların pozulmasına görə 100 AZN cərimə və 3 cərimə balı tətbiq olunur.

Qeyd edək ki, bu ilin 10 ayında bu səbəbdən 92 yol-nəqliyyat hadisəsi baş verib. Nəticədə 25 nəfər həyatını itirib, 115 nəfər isə xəsarət alıb.