Sayrışan işıqlı maşınla ölümə gedən sürücü: "Yenə ölmədik" - VİDEO

Yol hərəkəti qaydalarını kobud şəkildə pozan sürücü qeydə aldığı videonu sosial şəbəkədə paylaşıb. Avtosfer.az xəbər verir ki, hadisə avqustun 31-də, Quba yolunda baş verib.

Belə ki, 90-KH-939 qeydiyyat nişanlı "KIA" markalı avtomobilin sürücüsü əks istiqamətli yola çıxaraq ötmə edib. Bu zaman qarşıdan gələn "Hyundai" markalı avtomobilin yoluna çıxaraq təhlükəli anlar yaşadıb.

Sosial şəbəkə hesabında paylaşım edən zaman isə "yenə ölmədik" - deyərək şərh verib.

Digər qeydə aldığı videoda isə avtomobilin alın şüşəsinə göy və qırmızı sayrışan işıqlar quraşdırdığı əks olunub.

Qeyd edək ki, bu işıqlardan istifadə edən sürücülər İnzibati Xətalar Məcəlləsinin 342.9-cu maddəsilə 500 manatdan 800 manatadək cərimə edilə bilər.

Könül Rauf