Səbrsiz sürücü əks yola çıxıb maşının üzərinə sürdü - 90-ZF-990 - VİDEO

Paytaxtın Xəzər rayonu, Mərdəkan qəsəbəsində yol hərəkəti qaydalarını kobud şəkildə pozan sürücü qəza riski yaradıb.

Avtosfer.az-ın məlumatına görə, hadisə yanvarın 8-də saat 13:44 radələrində qeydə alınıb. Kadrlardan görünür ki, 90-ZF-990 dövlət nömrə nişanlı “Nissan” markalı avtomobilin sürücüsü qoşa xəttin tələblərini pozaraq əks istiqamətli hərəkət zolağına çıxıb. Bu zaman qarşı tərəfdən gələn və görüntünü qeydə alan sürücü üçün təhlükəli vəziyyət yaranıb.

Təəssüf ki, bəzi sürücülər tələskənlik edərək bu cür qayda pozuntularına yol verirlər. Halbuki bir neçə saniyəlik üstünlük qazanmaq cəhdi həm sürücünün özünü, həm də digər hərəkət iştirakçılarını ciddi risklə üz-üzə qoyur.

Nərmin